Ni mwaka mmoja tangu vijana nchini Kenya, maarufu Gen Z walipoingia barabarani Juni 2024, na kufanya maandamano makubwa katika historia ya nchi hiyo.

Kwa wiki kadhaa, vijana hao walikuwa mitaani katika miji mbalimbali, wakiupinga muswada maalum wa Fedha 2024, lakini pia mfumo mzima waliodai ulijaa ubaguzi, ufisadi, na kutojali masilahi ya Wakenya.
Mwaka mmoja baadaye wametishia kufanya maandamano tena, kupinga uongozi mbovu na ukatili wa polisi.

Hata hivyo, serikali ya Kenya, kupitia Msemaji wake imepiga marufuku maandamano hayo, na kusema yanaweza kuhatarisha usalama na uharibifu wa mali.