Bidiyoyin da ke shafukan sada zumuntaMuna samar da labarai da dumi-duminsu daga kasashen Afirka da kowanne sashe na duniya domin saurarenku. Ku biyo mu, ku yi sharhi, ku yada.. |
Bidiyoyin da ke shafukan sada zumunta
Amfanin shuka bishiya don rage zafin duniya
Ko kun san cewa duk da tsananin zafin da muke yawan kuka a kansa da yake samuwa ta dalilin zafin rana, tazarar da ke tsakaninmu da ranar nan ta kai tafiyar shekara 3,536 idan da ƙafa za a je? Masana sun ce ba komai ke sa muke jin tasirin zafin ranar ba sai irin yadda ɗan’adam ke lalata duk wata kariya daga zafin rana da Ubangiji ya saukar mana a duniya, kamar sare bishiyoyi. A wannan bidiyon, Halima Umar Saleh ta yi mana nazari kan abin da ya kamata mu yi don ceto duniya daga tsananin zafi.
Ƴan'uwa biyu Musulma da Kirista da ke so a zauna lafiya a Filato
Rukayya Abdulmalik Danboyi Musulma ce yayin da Ebraham Jim Danboyi Kirista ne kuma ƴan ƙabilar Birom, amma iyayensu ɗaya. Kuma kasancewarsu mabiya mabambanta addinai a jihar Filato mai fama da rikicin addini a Nijeriya, bai taɓa shafar zumuncin da ke tsakaninsu ba. Sun shaida wa TRT Afrika Hausa hanyoyin da za a shawo kan rikicin addini da na ƙabilanci.
Yadda kasuwar jakai ke bunkasa
Jakai suna cikin dabbobi da Hausawa suka daɗe suna amfani da su wurin sufuri. Sai dai yanzu tsadar da suka yi ta jefa fargaba a zukatan masu sayar da su da ma masu amfani da su, kamar yadda suka yi wa TRT Afrika Hausa bayani a kasuwar Ma'Adua ta jihar Katsina, wadda ita ce kasuwar jakai mafi girma a arewacin Nijeriya
Yadda tafsirin Alkur'ani ke tasiri ga Musulmai a watan Ramadan
Al'ummar Musulmai na ci gaba da gudanar da ibadu a wannan wata na Ramadan mai albarka, ciki har da halartar wuraren tafsiri domin sauraren karatun Alkur'ani da neman kusanci ga Allah, kamar yadda za ku gani a wannan bidiyon kan yadda lamarin ke faruwa a birnin Kano na Nijeriya.
Asalin tashe a ƙasar Hausa
Duk da sauyawar zamani da ci gaban da ake samu, har yanzu al’adar tashe ba ta gushe ba gaba daya a ƙasar Hausa. Al’ada ce da mata da maza da yara da manya kan yi daga goma ta tsakiya ta watan azumi da rana ko da daddare, domin a dauke wahalar azumi ko a samu kudin shiga sannan a samu nishadi, kamar yadda masana harkokin al’adu suka shaida wa TRT Afrika Hausa a wannan bidiyon.
Iyayen daliban Kaduna sun nemi a kubutar da 'ya'yansu
Iyayen ɗaliban firamaren da ƴan fashi suka sace a makarantarsu a garin Kuriga na Jihar Kaduna a makon da ya wuce, sun ce suna cikin matuƙar tashin hankali na rashin tabbas na halin da ƴaƴansu ke ciki, kuma sun ƙagara a gano yaran, waɗanda ba a san a halin da suke ciki ba Tuni dai rundunar sojin Nijeriya ta ce dakarunta sun bazama neman yaran.
Babu wani mawaƙin siyasa da ya kai ni - Rarara
Fitaccen mawaƙin nan na Hausa Dauda Kahutu Rarara ya ce a iya saninsa babu wani mawaƙin siyasa da ya kai shi a wannan zamani. Rarara ya shaida wa TRT Afrika Hausa alaƙar da ke tsakaninsa da Shugaba Bola Tinubu da kuma Aisha Humaira da kuma rawar da ya taka wajen tabbatar da shigar Ali Nuhu gwamnati.
Ɗan Agajin da ya tsinci miliyoyin kuɗi ya mayar
Ɗan agajin nan da ya tsinci miliyoyin kuɗi ya kuma yi cigiyarsu, Salisu Abdulhadi, ya shaida wa TRT Afrika Hausa cewa ya shafe wata guda yana cikin fargaba a lokacin da ake ci gaba da cigiyar mai kuɗin a masallatai. Ya ce bai samu kwanciyar hankali ba har sai da aka ce an samu mai kuɗin, kuma aka tabbatar da cewa ko kwabo bai yi ciwon kai ba.
Gidan Makama - Matattarar Kayan Tarihin Kano
Gidan Makama, mai fiye da shekara 500, wanda aka gina a matsayin gidan Sarkin Kano, yana taka muhimmiyar rawa wajen adana tarihi da al’adun al'ummar Jihar. Kayayyakin da ke cikin gidan sun haɗa da na tun kafin zuwan Turawa, da ma irin waɗanda Turawan suka yi amfani da su wajen cin Kano da yaƙi. TRT Afrika Hausa ta ziyarci gidan, kuma a wannan bidiyon za ku ga kayan tarihin da wataƙila ba ku taɓa sanin akwai sauran irin su ba a duniya.
Gwarzuwar Musabakar Alkur'ani ta Duniya
Matashiyar nan ƴar jihar Gombe da ke Nijeriya, Hajara Ibrahim Ɗan'azumi, wadda ta lashe musabaƙar Alƙur'ani ta duniya ta mata da aka gudanar a ƙasar Jordan, ta shaida wa TRT Afrika Hausa irin gwagwarmayar da ta yi har ta kai ga zama gwarzuwa a gasar karatun littafin mai tsarki. Hajara, mai shekara 19 wadda yanzu haka take karatu a fannin Ilimin Nazarin Tsirrai a Jami'ar Jihar Gombe, ta ce babban burinta shi ne ta iya karatun Alƙur'ani da ruwayoyi mabambanta.
Zan iya auren talaka – ‘Maryam Labarina’
Matashiyar tauraruwar finafinan Kannywood Fatima Hussaini Abbas ta ce halayenta a cikin shirin Labarina su ne kusan halayenta na zahiri domin kuwa “ba na soyayya domin kudi”. A hirarta da TRT Afrika Hausa, tauraruwar wadda aka fi sani da Maryam a Labarina, ta ce za ta iya auren talaka idan har tana kaunarsa. “Ba wai ina nufin ihsani ba shi da dadi ba ne. Amma ba na son mutane don abin da suka mallaka ko abin da za su ba ni.” Ta kara da cewa halaye na kwarai su ne ginshikin soyayya ba kudi ba. “Idan talaka ya fito ya ce zai aure ni, idan har ina sonsa sannan akwai fahimtar juna tsakanina da shi, babu abin da zai hana ni aurensa. Saboda wasu sai sun yi auren Allah yake azurta su,” in ji ta.
Abin da ya sa na yi wakar ‘Halitta’ – Nazifi Asnanic
Fitaccen mawakin nan na Kanyywood, Nazifi Asnanic, ya ce ya rera wakar ‘Halitta’ ne domin ya ja hankalin jama’a game da muhimmancin halittun Allah. Asnanic ya shaida da TRT Afrika Hausa cewa “duk wani marubuci ana so ya zama mutum mai kirkira, to gaskiya na zauna na yi tunani cewa me zan yi da zai dauki hankali” shi ya sa ya rera wakar ta halitta. Mawakin, wanda kusan daukacin masu ruwa da tsaki a Kannywood ke yi masa kallo a matsayin mutumin kirki, ya ce samun nasararsa na da alaka da saukin kansa inda ya kara da cewa “ba ni da abokin fada”.
‘Ana yawan tambayata addinin da nake yi’
Tauraro a shirin Kwana Casa’in mai dogon zango, John Dan Daso, ya ce mutane suna yawan tambayarsa kan ko shi Musulmi ne ko Kirista. Ya bayyana haka ne a hira ta musamman da TRT Afrika Hausa a birnin Kano na Nijeriya. John Dan Daso, wanda sunansa na ainihi shi ne Waziri Alhaji Salihu Hong, ya ce “Musulmi ne ni gaba da baya. Ina Sallah yadda Musulmai suke yi.” Ya kara da cewa rawar da yake takawa a matsayin Kirista a Kwana Casa’in ta nuna cewa ya gwanance wajen yin aikinsa tun da har wasu suke yi masa kallo a matsayin wanda ba Musulmi ba. Ya yi kira ga masu kallonsu da su rika yi wa ‘yan fim uzuri bisa wasu kura-kurai da suke aikatawa, yana mai cewa kowa yana iya yin kuskure.
'Yadda na ji da na zama gwamnar jihar Alfawa'
Fitacciyar tauraruwar finafinan Hausa Aishatu Auwalu wadda aka fi sani da Rahama MK ta ce ta yi farin ciki lokacin da ta zama gwamnar jihar Alfawa a shirin Kwana Casa'in. Hajiya Rabi, kamar yadda aka fi saninta a shirin, ta shaida wa TRT Afrika Hausa cewa babu abin da ya fi burge ta a sana'ar fim tamkar yadda ta kasance hanya ta isar da sako ga jama'a cikin sauki. Ta kara da cewa za ta ci gaba da sana'ar fim duk kuwa da cewa tana da jaririya da take shayarwa, inda ta gode wa mijinta bisa goyon bayan da yake ba ta wurin gudanar da sana'arta.
‘Ina shan zagi sosai saboda halina a shirin Labarina’
Tauraruwar finafinan Hausa Amina Uba Hassan, wadda aka fi sani da Jamila a shirin Labarina mai dogon zango, ta ce tana shan zagi daga wurin masu kallo wadanda suke gani halinta na mugun "son kudi" shi ne aihinin halinta a zahiri. A hirarta da TRT Afrika Hausa Amina, ta ce wasu lokutan zage-zagen suna kona mata rai domin kuwa suna wuce kima. Tauraruwar, wadda tsohuwar matar Adam A. Zango ce, ta ba mu labarin mutuwar aurenta da kuma alakarta da tsohon mijinta a yanzu.
