Di Nigerian Army talk say im troops kill pass 25 Islamic State West Africa Province (ISWAP) terrorists wey launch "coordinated multi-directional assault" for Kukawa, Borno state.

For one statement wey dem issue on Wednesday, Mohammed Goni, acting military information officer for di headquarters of di joint task force (north-east) Operation Hadin Kai, talk say some sojas also die during di encounter.

"Di terrorists, wey attack troops of 101 Special Forces Battalion in large numbers from four different flanks, meet stiff resistance as di troops respond decisively with superior firepower, tactical manoeuvre and effective battlefield coordination," di statement read.

"Supported by di Air Component, di troops overwhelm di terrorists, inflict heavy casualties and force di surviving ones to run anyhow.

"Preliminary assessment show say over 25 terrorists don neutralise, with 14 bodies recovered so far.
"During exploitation of di area, troops recover plenty arms and ammunition, including six AK-47 rifles.” Goni yarn.