Winners for 2025 Africa Cup of Nations (AFCON) go collect $10 million, while the team wey lose the final go carry $4 million, Confederation of African Football (CAF) president Patrice Motsepe talk recently.

Na big increase compared to 2023, when that year champions, Côte d'Ivoire, bagged $7 million, and the first runner-up, Nigeria, secure $4 million.

For the tournament wey dey go on now for Morocco, teams wey comot for semi-final stage go each take home at least $2.5 million, while quarter-finalists go receive at least $1.3 million each.

Teams wey dem bundle out for the round of 16 go each collect $800,000.

Total prize money: The best third-placed team for the group stages go receive $700,000, while the countries wey comot for the group stage go each earn $500,000.

Apart from the winner money wey dem raise by 43%, the other participants go receive similar amounts to the 2023 teams wey comot at the same stages.

Twenty-four teams dey take part for this year AFCON, and total cash prize wey dem set aside for the teams na $32 million.