One early morning fire don burn 48 shops for Elegushi Model Market for Lagos state wey be di biggest city for Nigeria.
Di Permanent Secretary of Lagos State Emergency Management Agency, Olufemi Oke-Osanyintolu, talk am for statement wey dem release on Sunday.
Dem tell di agency say fire don dey since around 2am on Sunday, and when dem reach di market, everywhere don dey burn.
Di emergency people quickly comot di fire make e no spread pass like dat.
Oke-Osanyintolu say from wetin dem see, fire start from one small makeshift stall inside di market before e jump go di main building, but no person die.
E talk say, "Fire just start from one small stall inside di market compound before e spread go main building. We still no know why fire start.
"No person die, and nobody wound for dis fire."