As National Bureau of Statistics talk, Nigeria export to America drop by N940.98 billion for January to September 2025 but wetin dem buy from US don more than double wey turn di trade balance commot from profit to loss.

For Jan-Sep 2025, Nigeria export goods worth N3.65 trillion to US. For di same time 2024, dem export N4.59 trillion. wey be 20.5% drop.
For import from US, Nigeria buy N6.80 trillion for 2025, wey be say dem jump from N3.01 trillion for 2024 dis na 125.5% increase.

So for 2025 first nine months, Nigeria get trade deficit of N3.15 trillion with US. For 2024 same time, dem still get surplus of N1.57 trillion.

America bin start "reciprocal" tariff under Trump. From July 2025, dem increase Nigeria tariff from 14% to 15%.

Even though dem no include crude oil for some cases, plenty of dia non-oil exports like cashew, cocoa, sesame etc carry the higher duty. This one make US importers fear to buy Nigerian goods before and after August 7 wey the law start.