Madaxweynaha Kenya William Ruto ayaa Arbacadii sheegay in dowladdiisu ay toddobaadkan dhammaystirtay heshiis ganacsi oo ay la gashay Shiinaha, isagoo aan bixin faahfaahin dheeraad ah.

Ruto ayaa hadalkan ka sheegay shir maalgashi oo ka dhacay caasimadda Nairobi.

Kenya ayaa Bishii Janaayo ku dhawaaqday heshiis ganacsi oo hordhac ah oo ay la gashay Shiinaha, kaas oo siinaya 98% dhoofinteeda marin aan canshuur lahayn oo ay ku gasho suuqa weyn ee Shiinaha.

Dalkan ku yaal Bariga Afrika ayaa xoojinaya xiriirka uu la leeyahay Shiinaha, iyadoo Ruto uu sannadkii hore booqasho rasmi ah ku tagay Beijing, halkaas oo lagu saxiixay heshiisyo maaliyadeed iyo kuwo iskaashi.

Ganacsiga labada dal ayaa hadda si weyn ugu janjeera dhinaca Shiinaha.