President Bola Tinubu don declare nationwide security emergency after plenty killings and kidnappings wey don happen for the country.

The president, for statement wey dem issue from State House and post for X on Wednesday, direct police make dem recruit 20,000 new officers to tackle the insecurity, so total wey dem plan now na 50,000. On Sunday e don already give instruction make dem recruit 30,000 police officers.

"Although I had previously approved the nationwide upgrade of police training facilities, the police authorities are, by this statement, authorised to use various National Youth Service Corps camps as training depots," he said.

"The officers being withdrawn from VIP guard duties should undergo crash training to debrief them and deliver more efficient police services when deployed to security-challenged areas of the country."

'Plenty boots for ground'

E still direct Nigeria secret police wey dem dey call Department of State Services (DSS) make dem deploy trained forest guards to flush out terrorists for the bush and woodlands.

"My fellow Nigerians, this is a national emergency, and we are responding by deploying more boots on the ground, especially in security-challenged areas. The times require all hands on deck. As Nigerians, we should all get involved in securing our nation," Tinubu said.

The president call on the National Assembly make dem review laws so that states fit establish state police where e necessary, and he urge local authorities and religious institutions make dem tighten security measures.

E beg Nigerians make dem no give in to fear, and stress say government still dey committed to protect citizens, keep national unity and support security forces to restore peace.

'We dey this fight together'

"Report any suspicious activities. Cooperate with security agencies. We are in this fight together, and together we shall win," he said.

Last week, pass 300 school pikin dem kidnap from one Catholic school for Niger State wey dey north-central part of the country.

Earlier this month, US President Donald Trump threaten Nigeria with possible military action over alleged killing of Christians. Abuja don push back against those claims, saying dem no represent wetin really happen.