Madaxweynaha Turkiga Recep Tayyip Erdogan ayaa adkeeyay go'aanka adag ee dalkiisa ee ku aaddan sheegidda xaqiiqda waxa ka socda Qaza iyo in la hubiyo in "cadaaladdu hirgasho."
"Turkigu wuxuu si go'aan leh uga sii wadi doonaa dadaalka dhinac kasta si loo hubiyo in waxa ka dhacaya Qaza aan la iloobin isla markaana cadaaladda la hirgaliyo," ayuu Erdogan ka sheegay khudbo uu Khamiistii ka jeedinayay munaasabad abaalmarinno dhaqameed iyo farshaxan oo ka dhacday caasimadda Ankara.
"Sida dal iyo dawlad u heelan sheegidda runta," ayuu intaa ku daray, Turkigu si adag ayuu u garab taagan yahay shacabka Falastiin, "aan mawqifkiisana ha leexaneyn."
Warbaahinta 'Geesinimada leh'
Madaxweyne Erdogan ayaa sidoo kale bogaadiyay warbaahinta Turkiga, isagoo ku ammaanay mowqifkooda “geesinimada leh” ee ay ku soo tabinayaan xaqiiqada ka jirta Qaza.
“Marka loo eego xasuuqa Qaza, warbaahinta Turkiga, gaar ahaan TRT iyo Anadolu, waxay qaateen mowqif dhab ah oo geesinimo leh,” ayuu yiri Madaxweynaha Turkiga.
Isagoo ammaan gaar ah u jeediyay sawirqaadaha Anadolu Ali Jadallah, Erdogan wuxuu sheegay: “Waxa uu kamaraddiisa ku soo bandhigay ma aha oo kaliya baaxadda argagaxa leh ee xasuuqa Qaza, balse sidoo kale wuxuu dunida u muujiyay iska caabbinta xaqa ah ee shacabka Falastiin.”
“Walaalkeen Ali, oo fashiliyay xasuuqa arxan darrada ah ee Qaza kana hortagey xaqiiqada waxa loogu yeero dunida ilbaxa ah, wuxuu sawirqaade ahaan ugu shaqeeyaa wakaaladda Anadolu,” ayuu hadalkiisa ku soo gabagabeeyay.
