| Swahili
MICHEZO
3 DK KUSOMA
Marefa wa Kike kutoka Rwanda na Kenya waweka historia Kombe la Dunia la Wanawake Australia na New Zealand
Ureno iliilaza Vietnam 2-0 kwenye Uwanja wa Waikato kupitia mabao ya Telma Encarnacao na Kika Nazareth.
Marefa wa Kike kutoka Rwanda na Kenya waweka historia Kombe la Dunia la Wanawake Australia na New Zealand
Refa Susan Mukansanga kutoka Rwanda akiwa kazini kwenye mechi kati ya Haiti na Chile | Picha: Getty / Others

Ushindi huo umefufua matumaini ya Ureno ya Kombe la Dunia la FIFA la Wanawake na kuiwezesha Vietnam kutemwa kutoka mchakato huo wenye ushindani mkali.

Marefa Salima Mukansanga kutoka Rwanda na Mary Njoroge kutoka Kenya wameweka historia kwa kusimamia mechi ya Kombe la dunia la Kundi E kati ya Ureno na Vietnam uliopigwa uwanjani Waikato, mjini Hamilton, Australia.

Salima na Mary, wawakilishi pekee kutoka Afrika mashariki kati ya marefa 33 na manaibu 55 walioitwa miongoni, walijizolea sifa kwa usimamizi wao wa ngarambe hiyo.

Wawili hao walikuwa katika jumla ya mahakimu 106 waliotambulishwa kusimamia mechi za kombe la dunia la wanawake mwaka huu..

Mkenya Njoroge anashiriki kombe lake la pili la dunia baada ya kuwa naibu refa wa mechi ya Kombe la Dunia la wanawake 2019, na mechi za soka Olimpiki 2020 ambapo aliweza kuonyesha utaalamu wake.

Njoroge, mwenye umti wa miaka 38, aliwasili Australia juma lililopita kushika doria mechini kufuatia taarifa ya FIFA iliyomteua kwenye orodha ya marefa iliyomuarifu kuhusu uteuzi wake.

"Ninafurahia sana kazi hii yangu. Kwa kweli imekuwa miaka minne ya maandalizi ya hali ya juu, na ninafurahia kwamba umefika wakati wa kufanya ninachopenda zaidi.Udogoni mwangu, sijawahi kuwa na shauku ya mpira wa miguu.

“Siku moja nilipewa changamoto na mtu kusomea kozi ya waamuzi. Sikuwa na mtazamo mazuri kuhusu hilo kwa sababu nilihisi kuwa, waamuzi wana upendeleo. Hatimaye, nilichukua changamoto, na hali ilikuwa tofauti. Ilinichukua muda mwingi kujiandaa na kutambulika kwa kazi yangu," alihitimisha.

Mrwanda Salima Mukansanga, naye ameendelea na safari yake ya kuweka historia kwa kuwa refa mkuu wa mechi hiyo.

Mnamo 2019, Mukansanga, aliweka historia kwa kuwa mwamuzi wa kwanza wa kike wa kiafrika katika toleo hilo la Kombe la Dunia la Wanawake.

Refa huyo alipata umaarufu mwaka uliopita kwa kuwa refa wa kwanza wa kike wa kiafrika kuhudumu katika kombe la dunia la wanaume mwaka jana nchini Qatar. Kombe hilo lilikuwa la kwanza ambayo mechi imesimamiwa na waamuzi wa kike kwenye mashindano ya wanaume.

Aidha, mnamo mwaka jana, aliweka historia kwa kuwa hakimu mkuu wa kwanza wa kike kwenye ngarambe za Afcon kwa wanaume nchini Cameroon.

Mukansanga mwenye umri wa miaka 34, amehitimu na shahada ya kwanza ya Uuguzi na Ukunga kutoka Chuo Kikuu cha Gitwe, kilichoko Wilaya ya Ruhango, Mkoa wa Kusini wa Rwanda.

CHANZO:TRT Afrika
Soma zaidi
Lamine Yamal: Mfalme aliyekosa taji la Ballon d'Or
Ukraine yapinga uamuzi wa kuipa Moscow uwenyeji wa Mashindano ya kunyanyua vyuma 2030
Kenya yafuzu hatua ya 16 bora katika Kombe la Dunia la FIFA la Wanawake la U-17 kwa mara ya kwanza
Mabingwa watetezi wa Ligi ya Mabingwa CAF, Mamelodi Sundowns ya Afrika Kusini, wabanduliwa
Kombe la Dunia la Wanawake la U-17: Nigeria yaitungua mabingwa watetezi Korea Kaskazini
Marekani mwenyeji wa mashindano ya kwanza ya Wanawake Kombe la Dunia la Klabu FIFA 2028
Liverpool yapindua meza dhidi ya Villarreal kwenye mechi ya Ligi ya Mabingwa Ulaya
CAF yazindua kombe jipya kuelekea Ligi ya Mabingwa ya Wanawake nchini Misri
Zambia na Ghana zapata vipigo katika Kombe la Dunia la Wanawake la U-17
Goli la dakika za mwisho la Madueke lawapa Arsenal ushindi dhidi ya Nottingham Forest
Morocco yaanza kwa ushindi huku Nigeria ikifungwa na Poland katika Kombe la Dunia la Wanawake  U-17
Kombe la Dunia toleo la 10 kwa wanawake U-17 kuanza nchini Morocco
Fifa yaitoza faini Hispania kwa semi za chuki dhidi ya Uislamu wakati wa mechi ya kirafiki na Misri
Infantino aomba radhi kuhusu mpango wa kubinafsisha haki za kibiashara za FIFA
Winga wa zamani wa Barcelona, Chelsea Pedro astaafu soka akiwa na umri wa miaka 39
Ronaldo Ruhsa kurejea kwenye timu kama itampendeza: kocha
Manchester City watapewa adhabu gani?
Rais wa FIFA Infantino aahidi fedha zaidi kwa mashirikisho
Guye na Tigst waongoza Ethiopia kufagia mbio za Berlin Marathon
Mo Salah hatacheza mechi ya kufuzu AFCON dhidi ya Sudan Kusini kutokana na nyasi bandia za Uwanjani