Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa khadka taleefanka kula hadlay Boqor Cabdalla II, Boqorka Urdun.
Intii uu socday wicitaanka, labada hoggaamiye ayaa ka wada hadlay isbedelladii ugu dambeeyay ee gobolka iyo saameynta culus ee ka dhalan karta kororka milatari ee ka socda Bariga Dhexe, iyagoo carrabka ku adkeeyay muhiimadda dejinta xiisadda.
Madaxweynaha ayaa markale xaqiijiyay garab istaagga buuxa ee Soomaaliya ay u hayso dowladda iyo shacabka Urdun, isagoo muujiyay taageero adag ee madaxbannaanideeda iyo midnimadeeda dhuleed ee ku aaddan gardarrada Iiraan.
Madaxweyne Xasan Sheekh ayaa tilmaamay in weerar kasta oo lagu qaado dhulka Urdun uu yahay xadgudub cad oo ka dhan ah sharciga caalamiga ah isla markaana aan la qiilayn karin.
