| Hausa
NIJERIYA
2 minti karatu
Mutum 511 sun kamu da cutar mashaƙo a Jihar Yobe a Nijeriya
Ya bayyana cewa ɓullar cutar ta shafi ƙananan hukumomi 12 ne a jihar, yana mai ƙarawa da cewa shiri ya yi nisa don ƙaddamar da rigakafin cutar a waɗannan yankunan.
Mutum 511 sun kamu da cutar mashaƙo a Jihar Yobe a Nijeriya
Tsohon Hoto: Gwamnatin jihar Yobe ta ce jihar ta fi ƙarancin mace-mace sakamakon cutar a faɗin ƙasar
 

Hukumomi a Jihar Yobe da ke arewa maso gabashin Nijeriya sun tabbatar da cewa mutum 511 sun kamu da cutar mashaƙo kuma mutum 13 sun mutu sakamakon cutar daga watan Janairu zuwa 8 ga watan Satumba.

Kwamishinan Lafiya na Jihar, Muhammad Gana, ne ya bayyana wannan yayin da yake zanta wa da kamfanin dillancin labaran Nijeriya (NAN) a Damaturu babban birnin jihar ranar Alhamis.

Gana ya bayyana cewa mutuwar mutum 13 ta yi daidai da kashi 2.5 cikin 100 na mace-mace sakamakon cutar, mace-macen da ba su kai na sauran jihohin da lamarin ya shafa ba a faɗin ƙasar.

Ya tabbatar da cewa ɓullar cutar ta shafi ƙananan hukumomi 12 ne a faɗin jihar, kuma tuni aka soma shirye-shiryen yin rigakafi a waɗannan wuraren.

Gana ya ƙara da cewa adadin mutum 511 da suka kamu da cutar mashaƙo a yanzu bai kai 1,100 da aka ba da rahoton samu a watan Satumbar shekarar 2025 da ma shekarun baya ba.

Ya bayyana cewa raguwar da ake samu tun shekarar 2023, a lokacin da jihar ta samu adadi mafi yawa na mutum 3,080 da suka kamu da cutar, na da nasaba ne da matakin da aka ɗauka na daƙile cutar.

Matakan da kwamishinan ya ayyana sun haɗa da ba da magani kyauta ga waɗanda lamarin ya shafa da bai wa ma’aikatan lafiya horo na musamman game da dabarun daƙile cutar da zafafa rigakafi a wuraren da ke da wahalar kaiwa da wayar da kan jama’a game da cutar.

Ƙarin matakai sun haɗa da dannawa na ma’aikatan lafiya wajen bibiyar waɗanda suka haɗu da masu cutar da musayar bayanai da masu ruwa da tsaki da ganawa a-kai a-kai da kuma tattaro kayayyakin aiki domin fuskantar ɓullar cutar.

Gana ya yaba wa Hukumar Lafiya ta Duniya WHO da Asusun Kula da ƙananan Yara na Majalisar Ɗinkin Duniya UNICEF da ƙungiyar horas da ma’aikatan lafiya yaƙar yaɗuwar cututtuka a Afirka (AFENET) wajen tallafa wa aikin rigakafin jihar kan cutar mashaƙo, musamman a rugagen makiyaya.

Cutar mashaƙo cuta ce ta da ƙwayoyin halittu ke yaɗawa wadda ke shafar maƙwogwaro da kuma sama-saman hanyar numfashi.

Cutar ta fi yaɗuwa ne ta hanyar ƙananan abubuwan da ke fitowa ta hanyar tari ko atisahwa kuma wasu lokuta ta hanyar haɗuwa kai tsaye da fata mai lahani da ta kamu da cutar ko kuma gurɓatattun ababen da ke fitowa daga jikin wanda ya kamu da ita.

Rumbun Labarai
Bola Tinubu: 'Ɗan ƙwalisar' akanta da ya ɗaukaka zuwa matsayin Shugaban Ƙasa
NAFDAC ta ƙwace kwalaye 17 na alluran bilicin 'marasa' rajista a filin jirgin saman Kano
Hare-haren sama na sojojin Nijeriya sun kashe 'yanta'addan ISWAP 21 a Borno
ADC ta shigar da kara mai hujjoji 17 a kan INEC kan soke takarar Atiku ta 2027
Jami’an Kwastam na Nijeriya sun kai ziyarar aiki Nijar don ƙarin ilimi kan dabarun tsaro
Jonathan ya yi gargaɗi kan rikicin ƙabilanci da rashin haƙuri a siyasa gabanin zaɓen 2027 a Nijeriya
Nijeriya ta kama mutum takwas bisa zargin safarar hodar iblis zuwa Turai ta Hamadar Sahara
Nijeriya na dab da samar da ‘yansandan jiha yayin da majalisun jihohi 36 suka amince da shirin
Hukumar hana safarar mutane ta Nijeriya ta bankaɗo yunƙurin safarar mutane 1,508
Tinubu ya yi wa mutum 78 afuwa bayan kama su da laifin kai hari ga ayarin motocinsa a Abuja
Majalisar yaƙin neman zaɓen APC ta ƙaddamar da shirin samar da tsaro na Tinubu na shekaru biyar
Sojojin Nijeriya sun kashe 'yanta'adda takwas, sun kuɓutar da mutum 125 da aka yi garkuwa da su
‘Yanbindiga sun kashe wani babban mai bai wa gwamna shawara a Zamfara
Faɗa tsakanin 'yanbindiga da 'yan sa-kai ya yi ajalin mutum fiye da 50 Jihar Zamfara ta Nijeriya
Jihar Katsina ta kaddamar da jami'an kula da gandun daji fiye da 1,000 domin magance matsalar tsaro
INEC ta saka ranar 28 ga Nuwamba domin gudanar da zaben gwaji gabanin zaben Nijeriya na 2027
Atiku ya buƙaci Tinubu ya yi bayani kan matakan da yake ɗauka na kawo ƙarshen kashe-kashe a Nijeriya
Jami'an DSS a Nijeriya sun kama makamai da ake zargi an shiga da su Jihar Sokoto daga Nijar
Tinubu ya bai wa ’yanwasan Nijeriya mata 'yan 17 naira miliyan ɗari-ɗari kan cin Kofin Duniya
Kyari ya musanta asarar naira tiriliyan 210 na NNPC a ƙarƙashin jagorancinsa