Mzozo kati ya Mke wa Rais wa Nigeria Remi Tinubu na gavana wa jimbo la kusini-magharibi la Osun, Ademola Adeleke, umezua gumzo mitandaoni.
Adeleke alianza kuimba wimbo kwa lugha ya Yoruba, akikumbatia sifa za Mungu, alipokuwa amealikwa kutoa hotuba yake kwenye hafla mjini Ile-Ife katika jimbo hilo. Mke wa rais alimkaribia mara mbili, akimuomba aache kuimba.
Haikuonekana mara moja kwa nini mke wa rais alimzuia gavana kuimba kwenye hafla hiyo. Tukio hilo, lililofanyika kwenye ikulu ya Ooni wa Ife, Oba Adeyeye Enitan Ogunwusi Ojaja II, mmoja wa viongozi wa jadi wanaoheshimiwa sana nchini Nigeria, lilikuwa ni kusherehekea miaka 10 tangu kupanda kwake enzi.
Mke wa rais alikataa gavana kuimba katika hafla hiyo. Hafla iliyofanyika kwenye ikulu ya Ooni wa Ife ilikuwa ni maadhimisho ya miaka 10 tangu kuteuliwa kwake. Oba Adeyeye Enitan Ogunwusi Ojaja II anachukuliwa kuwa mmoja wa viongozi wa jadi wanaoheshimiwa mno nchini Nigeria.
Hata hivyo, tukio hilo limeibua mjadala mkubwa mitandaoni. Baadhi ya Wanaigeria wanasema mke wa rais alizidi mipaka yake kwa kuwa Adeleke ni gavana wa jimbo la Osun, ambako sherehe zilifanyika, na anajulikana kwa kucheza na kuimba mara nyingi katika matukio ya umma anayoenda.
Wengine walimtetea, wakisema gavana alikuwa akichukua muda mrefu kuimba badala ya kuwasilisha hotuba yake.
Gavana bado hajatoa maelezo ya wazi kwa umma kuhusu tukio hilo. Kwa upande wake, Mke wa Rais wa Nigeria Remi Tinubu aliandika kwenye mitandao ya kijamii: "Wale walioteuliwa kuongoza wanaelewa wajibu wao na jinsi ya kuendesha masuala ya jamii. Mara nyingi, ni wafuasi na wakosoaji wanaochunguza kila hatua, kuibua makosa madogo, na kuyageuza kuwa mzozo usiohitajika."
Wakati wa hafla Jumapili, tarehe 7 Disemba, Mke wa Rais alipatiwa cheo cha jadi cha Kiafrika cha lugha ya Yoruba, Yeye Asiwaju Oodua, ambacho, kwa mujibu wa mfalme wa jadi, "kinaakisi uongozi, huduma, huruma, na kujitolea kwa maendeleo" ya watu wa Yoruba na taifa la Nigeria kwa ujumla.
Hafla hiyo iliandaliwa kwa kuhudhuriwa na watu maarufu, ikiwemo viongozi wa majimbo kadhaa, Rais mstaafu wa Nigeria Olusegun Obasanjo na Sultan wa Sokoto, ambaye ndiye kiongozi mkuu wa jumuiya ya Waislamu nchini Nigeria.
