Rais wa Uturuki Recep Tayyip Erdogan amesema ujumbe wa Uturuki wakati wa mkutano uliozingatia Gaza uliokuwa kwenye pembe za Mkutano Mkuu wa Umoja wa Mataifa mwishoni mwa Septemba ulimgusa Rais wa Marekani Donald Trump.
'Katika Mkutano Mkuu wa Umoja wa Mataifa, wakati wa mkutano tuliokuwa nao na Trump, tulitoa ujumbe wetu hasa pamoja na nchi za Kiislamu, lakini ujumbe wetu, kama Uturuki, ulimgusa Trump,' Erdogan alisema wakati wa mkutano na wanafunzi wa chuo kikuu huko Istanbul Jumapili.
'Tutaendelea kwa nia thabiti katika kipindi kijacho. Hakutakuwa na kurudi nyuma. Ikiwa tatarudi nyuma, hatutaweza kuhesabiwa mbele za Mungu au mbele za Gaza,' aliongeza.
Kuhusu Gaza, Ankara inachukua 'kila hatua', alisema Erdogan, akirejeleza hotuba aliotoa katika Mkutano Mkuu wa Umoja wa Mataifa mbele ya wajumbe wote.
'Wajumbe wa Israel walikuwa wamekaa mbele yangu. Nilitoa hotuba hiyo nikwaaangalia uso kwa uso. Sisi si waoga,' alisema.
Akionyesha azma ya Ankara kuhusu suala la Gaza, aliapa kwamba hawatarudi nyuma kuhusu hilo.
Erdogan alisema kwamba Uturuki ina nafasi ya kipekee duniani, akiongeza kwamba Ankara itakuwa mwenyeji wa kilele cha viongozi wa NATO.
'Awali tulikuwa wenyeji wake huko Istanbul, na sasa pia tutakuwa wenyeji wa kilele huko Ankara. Bila shaka, huko Ankara tunatayarisha dhana ya ‘hilali na nyota ,' alisema.
