Wasiirka Qorsheynta, Maalgashiga iyo Horumarinta Dhaqaalaha ee Xukuumadda Federaalka Soomaaliya, Maxamuud Beenebeene, ayaa si rasmi ah magaalada Muqdisho ugu soo xiray Shirweynaha Saddexaad ee Qaran ee Kormeerka iyo Qiimeynta Soomaaliya.
Shirweynaha ayaa diiradda lagu saaray adeegsiga caddeymaha iyo xogta si loola socdo horumarka laga gaarayo hirgelinta Qorshaha Isbeddelka Qaranka (NTP) 2025–2029, loo hago go’aannada maalgashiga, loona xoojiyo isla-xisaabtanka dowladda.
Munaasabadda ayaa isu keentay dhinacyada ay khuseyso, kuwaas oo ka wada hadlay doorka kormeerka iyo qiimeyntu ku leeyihiin qiimeynta mudnaanta horumarinta qaranka iyo waxqabadka dowladda.
XIGASHO:SONNA















