Shirika la ndege la Ethiopia nchini Nigeria limepiga marufuku abiria kutumia mfuko maarufu wa plastiki katika safari za ndege zinazotoka nchi hiyo ya Afrika Magharibi.
Ilitaja "uharibifu wa mara kwa mara kwa mikanda ya kusafirisha mizigo katika viwanja vya ndege mbalimbali" ambayo ilisema imesababisha gharama kubwa zinazofanywa na mashirika ya ndege.
"Tunaomba ushirikiano wako kwa kuzingatia sheria hii ili kuhakikisha utendakazi mzuri wa safari zetu za ndege na kupunguza usumbufu wowote unaoweza kutokea," iliambia abiria katika taarifa.
Mifuko ya plastiki iliyokaguliwa ilipata jina lake maarufu la Ghana-must-go katika miaka ya 1980 kwa matumizi yake wakati Nigeria ilipowafukuza wahamiaji wasiokuwa na vibali kutoka Afrika Magharibi, wengi wao Waghana, kwa taarifa ya muda mfupi.
Mifuko hiyo inatumika sana katika eneo lote na bara zima.
Mamlaka ya Viwanja vya Ndege ya Shirikisho la Nigeria imekanusha kuhusika kwa namna yoyote na marufuku ya shirika hilo la ndege kwenye mifuko ya plastiki.
Katika taarifa yake, shirika hilo la ndege lilielezanyakati ambapo mifuko hiyo ya plastiki inaweza kutumika.
Italazimika kuingizwa kwenye katoni au kontena la mstatili lenye jalada gumu, ilisema.
Shirika hilo la ndege ni miongoni mwa waendeshaji wakuu wanaounganisha abiria kutoka eneo la Afrika Magharibi hadi kwingineko duniani.
