Rais wa Uturuki, Recep Tayyip Erdogan, alimkosoa vikali Waziri Mkuu wa Israel, Benjamin Netanyahu siku ya Jumanne kufuatia shambulio la Israel dhidi ya kundi la wapatanishi wa Hamas huko Qatar wiki iliyopita, akisema, "Kimaadili, Netanyahu ni kama ndugu wa Hitler."

“Sawa kama vile Hitler hakuweza kutabiri kuwa kuna uwezekano wa kushindwa unamsubiri, Netanyahu atakumbana na hatma ile ile,” aliongeza aliporejea kutoka Doha, ambapo alihudhuria mkutano wa ushirikiano kati ya nchi za Kiarabu na Kiislamu kufuatia shambulio la anga la Israel.

Erdogan aliliita shambulio dhidi ya kundi la wapatanishi la Hamas kama “changamoto ya wazi kwa mfumo na sheria za kimataifa."changamoto wazi kwa utaratibu wa kimataifa na sheria za kimataifa” na kusema uongozi wa Israel umegeuza fikra zao za mradi kuwa “mtandao wa kikatili uliojengwa juu ya itikadi za fashisti.”

Rais wa Uturuki pia alizungumzia kutambua wa mataifa ya Magharibi kwa Palestina kama taifa huru, akisema utaleta shinikizo zaidi kwa Israel na kuahidi kuibua suala hilo tena katika Umoja wa Mataifa.

Alieleza matumaini kwamba “wanaopigania ubinadamu watapata msaada mkubwa” katika mkutano unaokuja wa Baraza Kuu la Umoja wa Mataifa.

Kuisaidia Tripoli

Rais Erdogan, pia alizungumzia diplomasia ya Uturuki nchini Libya, akisisitiza ulinzi wa uhuru na umoja wa nchi hiyo.

“Tumejizatiti kulinda uhuru wa Libya, uhuru wa mipaka yake, na umoja wa kisiasa, na hatua zetu zote zinaongozwa na malengo haya,” alisema.

Alibainisha kwamba Uturuki imekuwa ikiunga mkono serikali halali ya Tripoli tangu mwanzo, huku sera za hivi karibuni pia zikijaribu kufungua njia za kidiplomasia na Libya ya mashariki.

“Hii inaonyesha juhudi za kidiplomasia za pande nyingi za Uturuki, mtazamo wa kikanda, na dhamira ya kufanikisha amani,” Erdogan alisema.

Aliongeza kwamba idhini ya serikali ya Benghazi kwa makubaliano ya mamlaka ya baharini yaliyosainiwa kati ya Uturuki na Tripoli itakuwa na “manufaa makubwa chini ya sheria za kimataifa.”